Рейтинг соңында Оңтүстік Судан, Чад, Нигер елдері тұр.
Қазақстан адам дамуы индексінде 191 елдің ішінен 56-орынды иеленді. Бұл туралы Біріккен Ұлттар Ұйымының жаңа баяндамасында айтылды, деп хабарлайды Almaty-akshamy.kz Inbusiness.kz сілтеме жасап.
Адам дамуын саралаған рейтингтегі алғашқы бестікке Швейцария, Норвегия, Исландия, Гонконг және Австралия кірді. АҚШ бұл тізімде 21-сатыға жайғасса, көршілеріміз Ресей – 52, Өзбекстан – 101, Қырғызстан 118-орында тұр.
Ал рейтингті Оңтүстік Судан, Чад, Нигер елдері аяқтайды.
«Жалпы, халықтың білімін, денсаулығын, өмір сүру деңгейін өлшейтін индекс әлем бойынша осымен екінші жыл қатарынан төмендеп барады. Бұған біріне бірі жалғасып жатқан дағдарыстар себеп»,- дейді сарапшылар.