Түркияда жасырынған Қазақстан азаматы халықаралық террористік ұйымның әрекетіне қатысы бар деген күдікпен елге қайтарылды.
Ұлттық қауіпсіздік комитеті 16 қараша күні ҚР Бас прокуратурасымен бірлесе отырып, Анталия қаласынан Алматыға ҚР азаматын алып келді, деп хабарлайды aqshamnews.kz ҰҚК-ға сілтеме жасап.
Тергеу материалына сәйкес, ол ертеректе Сирияға кетіп, қарулы топтардың біріне қосылған. Содан кейін Түркияға жетіп, сол жерде полиция органдарымен ұсталған.
Оның өз еркімен Қазақстанға қайтып, заңмен қарастырылған қылмыстық жауапкершілікті тартуға дайын екені анықталды.
ҰҚК фигурантқа қатысты Қылмыстық кодекстің 257-бабы 2-бөлігі бойынша сотқа дейінгі тергеп-тексеруді жүргізуде. Ол сот санкциясымен қамауға алынды.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.