Халық Мемлекет басшысының Жолдауда жүктеген тапсырмалары жүзеге асады деген сеніммен таңдау жасады.
Президент жанындағы стратегиялық зерттеу институтының өкілдері мен сарапшылар осындай пікірде. Олар аталған бағыттар бойынша жұмыстар жалғасын табу керек деп есептейді, деп хабарлайды Almaty-akshamy.kz.
«Exit-poll бұл - әлемдік тәжірибе және де Орталық сайлау комиссиясының ресми мәліметтері шыққанға дейінгі алғашқы нәтижелері болып табылады. Менің ойымша, Тоқаевқа дауыс берген сайлаушылардың күтетін нәтижесі осы кезде болып жатқан өзгерістерді халық жалпы қолдайды деген сөз», - дейді ҚР Президенті жанындағы стратегиялық зерттеу институтының әлеуметтік зерттеу бөлімінің меңгерушісі Салтанат Амангелдіқызы.
Депутаттар мен мәдениет саласының өкілдері де Exit-poll-дың нәтижесін жылы қабылдады. "Енді саяси науқаннан кейін ел тұрғындарының әділетті қоғамға қарай бет бұруы, жастар саяси-қоғамдық өмірден орнын айқындап, елдің болашақтағы саяси өміріне белсене араласуына мүмкіндік арта түседі", - деді олар.