Бұл туралы Президент жанындағы Азаматтық мәселелер жөніндегі комиссияның отырысында мәлім болды.
Соңғы 5 жылда Қазақстан азаматтығынан бас тартатындар саны азайған, деп хабарлайды aqshamnews.kz
Мемлекеттік кеңесші Ерлан Қарин төрағалық еткен жиында Қазақстан азаматтығына қабылдау және одан шығару мәселелері қаралды.
Басқосуда Қарин соңғы 5 жылда еліміздің азаматтығынан бас тартқан адамдардың саны азайып келе жатқанын және бұл үрдіс Қазақстан азаматтығы институтының беделі арта түскенін айғақтайтынын атап өтті.
Мысалы,
2019 жылы 1,7 мың адам азаматтықтан бас тартса,
2020 жылы – 944,
2021 жылы – 123,
2022 жылы – 114,
2023 жылы – 107,
ал 2024 жылдың 10 айында 30 адам азаматтықтан шыққан.