Атом энергетикасының артықшылықтары қандай?
Парламент Мәжілісінің депутаты Никита Шаталов Халықтық штаб алаңында Қазақстанның атом электр станциясын (АЭС) салу қажеттілігі туралы негізгі сұрақтарға жауап берді. Ол АЭС-тің дәстүрлі көмір және бу генераторларынан артықшылығы, сондай-ақ ұзақ мерзімді перспективада елімізге қандай пайда әкелетінін түсіндірді, деп хабарлайды aqshamnews.kz.
Атом энергетикасынан елдер неге бас тартпайды?
Көптеген адамдар қазіргі таңда елдер атом энергетикасынан бас тартып жатқанын айтып жатады. Алайда бұл олай емес. Депутат Никита Шаталов бұл пікірді теріске шығарды:
"Көптеген елдер, керісінше, 2050 жылға дейін атом энергетикасын ұлғайту жөнінде меморандумға қол қойды. Әлем атом энергетикасынан бас тарту үрдісін ұстанбайды. Шын мәнінде, атом энергетикасын үш есе ұлғайту жоспарлануда, Қытай да бейбіт атомды қолдануды арттырмақшы. Егер біз атом реакторынан, бейбіт атомнан бас тарту процесін көрген болсақ, мұндай ауқымды құрылыс болмас еді", – деп атап өтті Шаталов.
Атом энергетикасы — Қазақстан үшін тұрақты энергия көзіне қол жеткізу мен экономикалық даму үшін ұзақ мерзімді шешім. Елдің энергетикалық қауіпсіздігін қамтамасыз ету мен экологиялық тұрғыдан таза технологияларды енгізу — басты мақсаттардың бірі.
Қазақстанның болашағы үшін АЭС жобасын қолдау — тұрақтылық пен дамуға негіз болмақ!