Алматылық спортшылар Әзірбайжандағы дауыс беру орталығында референдумда дауыс берді
Атыс бойынша Қазақстан құрамасына барлығы сегіз спортшы кірді.
Спортшыларымыз 27 мамырдан бастап 7 маусымға дейін жалғасатын Бакудегі әлем Кубогына қатысып жатыр. Қазақстан құрамасына мылтық атудан барлығы сегіз спортшы кірген.
Бүгінгі өнер көрсету нәтижесі бойынша алматылық спортшылар екі медаль жеңіп алды. Усейнов Ислам жарыстың қола, Алтухова Арина күміс жүлделерін алды.
Осыдан кейін біздің құрама спортшылары Қазақстанның Әзірбайжандағы елшілігіне барып, онда еліміздің Ата Заңына өзгерістер мен толықтырулар енгізу жөніндегі референдумда дауыс бере алды.