Қазақстан Республикасы Ғылым және жоғары білім министрлігі Ғылым комитеті М.О. Әуезов атындағы Әдебиет және өнер институтының ұйымдастыруымен Алматыдағы Қазақстан Республикасы Ұлттық кітапханасының «Н.Дәулетова» атындағы залында Институттың 90 жылдық мерейтойы аясында «ҰЛТТЫҚ ӘДЕБИЕТТАНУ МЕН ӨНЕРТАНУ: ТАРИХ ТАҒЫЛЫМЫ ЖӘНЕ ЗАМАНАУИ ІЗДЕНІСТЕР» атты дөңгелек үстел өтті.
Іс-шараға белгілі әдебиеттанушы және өнертанушы ғалымдар, ЖОО-ның оқытушылары мен докторанттары, БАҚ өкілдері қатысты. Дөңгелек үстелде ҚР Ғылым және жоғары білім министрі, ҚР Мәдениет және ақпарат министрі және ЖОО-ның ректорларының құттықтау хаттары табысталды.
Жиын барысында қазіргі әдебиеттану мен өнертану ғылымының өзекті мәселелері талқыланып, М.О. Әуезов атындағы Әдебиет және өнер институтының 2024 жылы жарық көрген әдебиеттану, өнертану, фольклортану бағытындағы ғылыми зерттеулерінің, академиялық жинақтарының таныстырылымы жасалды. Атап айтқанда:
- «Ахмет Байтұрсынұлы, Мағжан Жұмабаев шығармаларының академиялық толық жинағы»;
- «Фольклор және қоғамдық сана»;
- «ХХІ ғасыр әдебиеттануы: терминдер сөздігі»;
- «М.О.Әуезов шығармашылығын мәдениеттер диалогы аясында зерттеу»;
- «Абай мұрасындағы ұлттық және жалпыадамзаттық: уақыт пен кеңістіктегі рухани транзит»;
- «Қазақ постфольклоры»;
- «Түркі халықтары қаһармандық эпосының салыстырмалы типологиясы»;
- «Балалар әдебиетінің пәнаралық аспектілері»;
- «Алаш қайраткерлері және ұлттық фольклор»;
- «Алтын Орда дәуірі және қазақ фольклоры»;
- «Қазіргі поэзиядағы модификация: стиль, ырғақ, форма»;
- «Алпамыс батыр» жырының үш тілдегі нұсқасы»;
- «Қазақстандық өнертану ғылымы: посткеңестік дәуірді зерттеудің жаңа тәсілдері»;
- «Сыдық Мұхамеджановтың шығармашылығы: уақыт еншісіндегі ғасырлар үні»;
- «Жаңа қазақ әдебиеті: дарынды жастардың шығармашылық жетістіктері»;
- «Орталық Азия әдебиеті: постотарлық эстетика және әдеби байланыстар;
- «Изобразительное искусство и архитектура Казахстана в период независимости: стиль эпохи и преемственность традиций;
- «Казахская тема в русской литературе: имагологический дискурс» атты ұжымдық монографиялардың:
-«Шериаздан Елеукенов және әдебиеттану ғылымының өзекті мәселелері»;
- «Әуезов үйі» ғылыми-мәдени орталығы және музейді қалыптастырудағы Ләйлә Әуезованың тарихи рөлі»;
- «Қазіргі әдебиеттану, өнертану және фольклортанудың өзекті мәселелері;- «Оразгүл Нұрмағамбетова және эпостану мәселелері» атты халықаралық конференция материалдарының тұсаукесер рәсімі өтті.
– Ғылым үлкен қажыр-қайратты қажет етеді. Ғылыми еңбектер болашақ ұрпақ үшін өте құнды жәдігер саналады, – деді ҚР ҰҒА академигі, филология ғылымының докторы К.Матыжанов.