Әлішер Келгенбай әйгілі швед шабуылшысы Златан Ибрагимовичтің стилінде әдемі гол соққан.
Бұл туралы Sports.kz порталынан мәлім болды, деп хабарлайды Almaty-akshamy.kz.
Әлішер Келгенбай жаттығу кезінде өзіне қарай ұшып келе жатқан допты бұрыла келіп, қақпаға соққан. Аталған бейнеролик Instagram желісінде жалпы саны 68 миллион жазылушысы бар 433 парақшада жарияланып, небәрі екі сағатта 403 мыңнан астам лүпіл жинап үлгерген.
Отандасымыздың голы 2012 жылы Англия командасымен өткен жолдастық кездесуде аты аңызға айналған Златан Ибрагимовичтің айып алаңының сыртынан соққан голына ұқсас болды.