TasteAtlas гастрономиялық жобасының сарапшылары әлемнің түкпір-түкпірінен жиналған 19 мыңға жуық тағамды зерттеп, ең үздік 100 ұлттық асхананың рейтингін жасады, деп хабарлайды aqshamnews.kz
Бұл тізімге Қазақстан да кірді – ол 98-орынға жайғасты.
Рейтинг авторлары бірнеше қазақ тағамын ерекше атап, міндетті түрде дәмін көруге кеңес берді. Олардың қатарында – бешбармақ, қазы, кеспе, шелпек, самса және басқа да дәстүрлі ұлттық тағамдар бар.
Сарапшылар бөлек Қазақстанның ет тағамдарының үздік бестігін жасады:
Лагман
Бешбармақ
Жая
Жал
Қарта
Әлемдік рейтингтің бірінші орнын Италия иеленді. Сарапшылар пицца мен пастаны ғана емес, өнім сапасын және дәстүрлі мейрамханалардың жұмысын да жоғары бағалады.
Ал үздік ондыққа Грекия, Перу, Португалия, Испания, Жапония, Түркия, Қытай, Франция және Индонезия кірді.