Қазан айында бес күндік жұмыс кестесімен еңбек ететін қазақстандықтар тоғыз күн демалады, деп хабарлайды Aqshamnews.kz тілшісі.
Күздің екінші айында ұлттық мереке - Республика күні атап өтіледі. Бұл мереке 25 қазанға белгіленген және биыл сенбіге сәйкес келеді. Еңбек заңнамасына сай, демалыс күні жұмыс күніне ауыстырылатындықтан, қосымша демалыс дүйсенбіге ауысады. Осылайша бес күндік жұмыс аптасындағы азаматтар қатарынан үш күн - 25, 26 және 27 қазанда демалатын болады.
Айта кетейік, 1990 жылдың 25 қазанында Қазақ КСР-інің мемлекеттік егемендігі туралы декларация қабылданып, Қазақстанның тәуелсіз мемлекет ретіндегі саяси-құқықтық негіздері жарияланған еді.
Республика күні алғаш рет 1995 жылы ұлттық мереке ретінде бекітілгенімен, 2009 жылдан бастап тойланбай келген. 2022 жылдың қыркүйегінде президент Қасым-Жомарт Тоқаев қол қойған заңға сәйкес, 25 қазан қайтадан ұлттық мереке - Республика күні болып белгіленді.