Ақтөбе облысында трассада ауыр жол-көлік оқиғасы болды, - деп хабарлайды Аqshamnews.kz тілшісі.
Полиция департаментінің мәліметінше, апат 27 қазанда сағат 20:00 шамасында Шұбарқұдық – Әйтеке би – Хобда – Соль-Илецк автожолында болған. 1984 жылы туған әйел жүргізуші басқарған Lada Granta көлігі аударылып кеткен.
Апат салдарынан 1974 жылы туған жолаушы оқиға орнында көз жұмды. Жүргізушінің өзі және 1995 және 2015 жылы туған жолаушылар түрлі жарақатпен ауруханаға жеткізілді.
Құзырлы органдар жол апатының мән-жайын анықтап жатыр.