Аумағы мың шаршы метрге жуық тұрғын үйдің шатыры өртеніп жатыр.
Қарағандыда бес қабатты тұрғын үй өртеніп жатыр. Өрт шамамен 900 шаршы ауданды қамтыды. Құтқарушылар 15 адамды эвакуациялады, деп хабарлайды Аlmaty-akshamy.kz Қарағанды қалалық ТЖД сілтеме жасап.
Өрт туралы хабарлама диспетчерлік пультке бүгін сағат 14:59-да түсті. Тұрғындар А.Бөкейханов ауданындағы 11-ші орамда 5 қабатты тұрғын үйде өрт шыққанын хабарлады.
«5 қабатты тұрғын үйде ашық жалынмен шатыр торлары жанып жатыр. От шарпыған алаң шамамен 900 шаршы метрді алып кетті. ТЖД күштерімен 15 адам эвакуацияланды. Өртті сөндіруге ТЖД бөлімшелері жұмылдырылды», - деп хабарлады баспасөз қызметі.
Оқиға орнында облыс және қала әкімдері бар.
Өңір басшысы Ермағанбет Бөлекпаев қала әкіміне тұрғындарды уақытша мекенге орналастыруды тапсырды. Штаб ұйымдастырылды.
«Қазір негізгі міндет - өртті сөндіруге, себептерін анықтауға, адамдарды қауіпсіз жерге көшіруға күш салу», - деді облыс әкімі.