Әр отбасының мәселесі жекелей шешіледі.
Қарағанды облысының әкімі жарылыс болған шахтаға барып, жағдайды өз бақылауына алуға уәде берді, деп хабарлайды Almaty-akshamy.kz
Өңір әкімі бұл күнді қайтыс болған кеншілердің туыстары мен жақындарына барудан бастағанын жазды.
"Оларға көңіл айтып, қолдау білдірдім. Мемлекет басшысының тапсырмасы бойынша облыс әкімдігі отбасыларға материалдық қолдау мен жерлеу рәсімдерін ұйымдастыру және өзге де қажетті көмек көрсету шараларын іске асыру үшін жедел тәртіпте жұмыс жасап жатыр", - деп жазды ол Facebook-тегі парақшасында.
Әкімнің сөзінше, әр отбасы көтерген мәселелер жекелей шешіледі.
"Бұл мәселе менің жеке бақылауымда. Мен сіздерді қабылданған шаралар туралы хабардар етіп отырамын", деді Ермағанбет Бөлекбаев.