Қарағанды облысының Ақтоғай ауданында Төтенше жағдайлар министрлігі (ТЖМ) қызметкерлері жоғалған жолаушыларды іздестіру-құтқару операциясын сәтті аяқтады, деп хабарлайды Aqshamnews.kz .
Құтқарушылар Саяқ ауылына жетпей 70 шақырым жерде боран салдарынан адасып кеткен адамдарды тапты. Абырой болғанда, ешкім зардап шеккен жоқ. Белгілі болғандай, олар ұялы байланыс жоқ жерде қар құрсауында қалған.
Апатқа ұшыраған жолаушылардан бөлек, осы учаскеде кері бағытта келе жатқан жүк және жеңіл көліктер де тұрып қалған. ТЖМ қызметкерлері қар құрсауында қалған барлық автокөліктерді құтқарып, Балқаш қаласына жеткізді.