Алматы қаласының Төтенше жағдайлар департаменті қар көшкіні қаупі туралы ескерту жариялады, деп хабарлайды aqshamnews.kz
Синоптиктердің болжамына сәйкес, 2025 жылдың 21-26 наурыз аралығында жылыту, қар жамылғысының тұрақсыз жағдайы және жауын-шашынның болуына байланысты Алматы облысындағы Үлкен және Кіші Алматы өзендерінің алабында қар көшкіні қаупі сақталады.
Осыған орай, құтқарушылар қала тұрғындары мен қонақтарына қарлы беткейлерге шығудан аулақ болуды және қар көшкінінің түсуіне себепші болудан сақ болуды ескертеді.