Алматы қаласының Қылмыстық-атқару жүйесі департаментіне қарасты №11 мекемесінде кәмелетке толмаған жазасын өтеуші жасөспірімдермен «Қақпа алдында кездесу» жобасы аясында қалалық Еңбек мобильдігі орталығының өкілдері Назгүл Сайынқызы мен Райымбек Қанатұлы кездесу өткізді.
Биыл жыл басынан бері аталған мекемеде жазасын өтеген 4 бозбала бас бостандығынан айырылған мерзімі аяқталып, босатылды. Оларға «Қақпа алдындағы кездесу» жоба аясында көмек көрсетілетіні толық түсіндірілген.
Қазіргі уақытта қылмыстық-атқару жүйесі мекемелерінен босатылған адамдарды әлеуметтендіру, қылмыстың қайталанбауын болдырмау үшін жүйелі іс-шаралар қолға алынған.
Мансап ораталығының адамдардың жекеленген санаттарымен жұмыс жөніндегі бөлім маманы Назгүл Сарсебаева босатылған сотталғандарға қысқа мерзімді кәсіптік білім алуға, тұрақты жұмыс табуға болатыны және әлеуметтік көмек көрсетілетіні туралы жан-жақты түсіндірді.
Ал жұмыс ізденушілер бөлімінің маманы Райымбек Қанатұлы жазасын өтеп шықан сотталған жасөспірімдерге әлеуметтік бейімдеу бағдарламасын түсіндіріп өтті. Әлеуметтік жағдайы төмен жұмыссыз жастарға қоғамда өз орнын тауып кетуіне көмек көрсетілетіні жайында айтылды.