15 мамырда өткен Мәжілістің жалпы отырысында ҰҚК төрағасының орынбасары Марат Көлқобаев қаңтар оқиғасынан кейін комитетте қандай жұмыстар атқарылғанын айтты, деп хабарлайды Almaty-akshamy.kz Zakon.kz-ке сілтеме жасап.
Марат Көлқобаевтың айтуынша, қылмыстық жауапкершілікке бірқатар қызметкерлер тартылған.
"Бүгінгі таңда ҰҚК 11 қызметкерді қылмыстық жауапкершілікке тартып жатыр. Бірақ кейбір істер бойынша тергеу аяқталды. Олар қылмыстық жауапкершілікке тартылды. Бұл қылмыстық қудалау туралы. Осымен қатар ҰҚК дереу ауқымды қызметтік тергеу жүргізді. Тәртіптік талаптар мен қызмет тәртібіне, оның ішінде лауазымды тұлғалардың жауапкершілігіне байланысты күрделі өзгерістер енгізілді", - деді Марат Көлқобаев
Отырыста депутаттар ұлттық қауіпсіздікті қамтамасыз ету және Қазақстан Республикасының арнаулы мемлекеттік органдарында қызмет өткеру туралы заң жобасын қарап жатыр. Ал бұл құжат, Марат Көлқобаевтың айтуынша, сонымен бірге әрбір шенеуніктің іс-әрекетінің белгілі бір алгоритмі мен патриоттық сезімін оятуға бағытталған.
"Бүгінгі күні бізде үлкен қызмет бар. Әскери қызметкерлер де, арнаулы мемлекеттік органдардың қызметкерлері де бар. Әр адамның белгілі бір әрекет алгоритмі бар, ол міндетті түрде заңға сай болуы керек", - Марат Көлқобаев
Бұған дейін Бас прокуратура Қазақстандағы қаңтардағы тәртіпсіздіктер мен одан кейінгі мемлекеттік төңкеріс әрекеті мұқият жоспарланғанын хабарлаған. Саясаттанушы, Ұлттық Құрылтайдың мүшесі Қазбек Майгелдинов бұл жағдай бұрынғы ҰҚК басшылығының білгені әбден мүмкін деп есептейді.
24 сәуірде сот ҚР ҰҚК экс-төрағасы Кәрім Мәсімовке қатысты үкім шығарды.