Елімізде тұрғын үй мәселесін шешу және халықты баспанамен қамтамасыз ету мақсатында түрлі мемлекеттік және коммерциялық бағдарламалар көп. Мен сол бағдарламалардың шапағатын көрген жандардың бірімін.
Өткен жылы «Отбасы банкінің» 50/50 бағдарламасы арқылы Алматының Алатау ауданына қарасты «Дарабоз» ықшамауданынан көптен күткен баспанама қол жеткіздім. Бұл тек баспана емес, менің үлкен арманымның орындалуы деп айтсам да болады.
Бағдарламаның ыңғайлы шарттарының арқасында бастапқы жарнаны жинап, қалған соманы тиімді пайыздық мөлшерлемемен несиеге рәсімдедім. Банк қызметкерлерінің қолдау көрсетуі, барлық үдерісті түсіндіруі және жылдам қызметі мені ерекше қуантты.
Үйлі болу – тек жайлы тұрмыс емес, тұрақтылық пен болашаққа деген сенімділік. Жаңа үйдің табалдырығын аттап, болашаққа үлкен жоспарлар құрудамын. Енді өз шаңырағымда отбасыма шаттық сыйлайтын жылы атмосфера орнату – басты мақсатым.
«Отбасы банкіне» үлкен алғысымды білдіремін! Қазір әрбір адамға өз арманын жүзеге асыру үшін мүмкіндік көп. Ең бастысы – армандаудан және соған ұмтылудан жалықпау керек екен.