Қазіргі таңда әлеуметтік желілер өміріміздің ажырамас бөлігіне айналды. Әр бұрышта «табысты болу» мен «бақытты өмір сүру» туралы кеңес беруші блогерлердің көбейіп кеткені соншалық, шындық пен құр уәдені ажырату қиынға соғады. Белгілі актер Қанат Әлжаппаров осы мәселеге қатысты халықты ойлануға және шынайы әрекетке шақырды, деп хабарлайды aqshamnews.kz
Қанаттың сөзінше, бүгінде интернет желісінде пайда болған «ақылшылардың» ақылы кейде қисынға келмейді.
«Интернетті ашып қалсам, көк тиын ақшасы, я бизнесі жоқ аға баюдың жолын үйретіп отырады ғой. Негізі бай адам үйретпейді ғой? 3-4 рет күйеуге тиіп келген апа бақытты отбасы туралы айтып отырады ғой, миыңды ашытып...» – дейді актер.
Бұл пікір көптеген адамның назарын аударып, халықтың сенгіштігін пайдаланып жүргендерді сынға алуына түрткі болды. Шын мәнінде, табысқа жету үшін құр сөз емес, шынайы тәжірибе мен нақты іс-әрекет қажет.
Қалай дегенмен Қанат Әлжаппаровтың сөзі – халықтың бойындағы шынайы намысты ояту және өз болашағына сенімді қадам жасауға шақыру. Біз сенімге сүйеніп, әрекет етсек, әрқайсымыз жеке жетістіктерімізге ғана емес, елдің өркендеуіне де үлес қосамыз.