Мұндай екі оқиға елордада болған
Қалалық санитарлық-эпидемиологиялық бақылау департаментінің ақпаратына сәйкес, наурыз айында қалалық травматологиялық орталыққа екі әйел жүгінген. Бұл туралы Elorda.info сайтында жазылды, деп хабарлайды Almaty-akshamy.kz.
Бірінші әйелді түлкі 8 наурызда «Керуен Сити» сауда орталығының маңында саусағынан тістеп алған.
Сол күні жануар «Думан» қонақ үйі маңындағы аялдамадан түскенде тағы бір әйелдің аяғына тап берген.
Екі жағдайда да жануар әйелдерге бірінші болып шабуылдаған.
Зардап шеккендерге травматологиялық пунктте көмек көрсетілді. Оларға жергілікті жердегі ауруханада иммундау екпесі егіледі.