Бүгін Алматы қаласы әкімінің орынбасары Ержан Бабақұмаровтың төрағалығымен вакциналау рейдтерінің жаңа алгоритмін ескере отырып, мониторингтік топтардың жұмысын ұйымдастыру және коронавирустың таралуын болдырмау жөніндегі қалалық штабтың онлайн форматта отырысы өтті, деп хабарлайды Almaty-akshamy.kz.
Отырысқа санитарлық-эпидемиологиялық бақылау департаментінің басшысы, мегаполистің бас мемлекеттік санитарлық дәрігері Ж. Бекшин, қала прокурорының бірінші орынбасары Б. Адамов, сонымен қатар қалалық Ұлттық кәсіпкерлер палатасының директоры А. Қошмамбетов, Ұлттық кәсіпкерлер палатасы Өңірлік кеңесінің төрағасы М. Барышев, Іскерлік кеңес жанындағы комитеттің төрағасы Д. Қыдырбаев, Қазақстан Республикасының қоғамдық тамақтану ассоциациясының өкілі В. Нұрпейісова, Қауымдастықтың жетекшісі Қазақстанның реставраторлар клубы Г. Катибаева және т.б. қатысты.
Еске салсақ, ағымдағы жылдың 7 қыркүйегінде Қазақстан Республикасының аумағында коронавирустық инфекцияның таралуын болдырмау жөніндегі ведомствоаралық комиссияның (ВАК) отырысында кәсіпорындарды COVID-19-ға қарсы вакцинаның бірінші компонентімен вакциналауға кәсіпорындарды тексеру алгоритмі бекітілді.
Сонымен, жаңа алгоритмді ескере отырып, жұмыс кестесін, әлеуметтік қашықтық пен маска режимін сақтаудағы бұзушылықтардан басқа, мониторинг топтары кәсіпорын қызметкерлерінің COVID-19-ға қарсы вакцинаның бірінші компонентімен вакциналанғанын тексереді.
Отырыс барысында қала әкімінің орынбасары Ержан Бабақұмаров Алматыда мобильдік бақылау топтарының жұмысын ұйымдастыру міндеттерін айтты. Біріншіден, қызметкерлер саны 50-ден асатын және қызметкерлерінің 60%-дан азы COVID-19-ға қарсы вакцинаның бірінші компонентімен вакциналанған кәсіпорындардың тізімін жасауды тапсырды. Екіншіден, кәсіпкерлік субъектілеріне тексеру жүргізудің жаңа ережелері туралы хабарлау мақсатында ақпараттық-түсіндіру жұмыстары күшейтілетін болады.
Бұл ретте Ержан Бабақұмаров қалалық кәсіпкерлер палатасының басшылығы мен бизнес-қауымдастық өкілдерін вакциналанбаған қызметкерлерді қызмет нысанына жіберу қаупі мен вакцинациямен қамтуды кеңейтудің маңыздылығын түсіндіру бойынша бірлесе жұмыс жасауға шақырды.
Айта кетсек, мониторингтік топтар өз жұмысында бүкіл ел бойынша жұмыс алгоритмін қатаң басшылыққа алады.
Бүгінде Алматыда 40 мониторингтік топ жұмыс істейді. Алматы қаласы бойынша СЭБД мәліметтері бойынша жыл басынан бері 3934 жергілікті тексеру жүргізілді, 37972 объекті қамтылды. Заңды және жеке тұлғаларға 433 миллионнан астам сомаға 5706 хаттама жасалды. Соттарға 76 материал берілді (462-баптың 3-бөлігіне және 425-баптың 1-бөлігіне сәйкес), оның ішінде 65 материал бойынша шешім қабылданды.