Өңірлік коммуникациялар қызметінде өткен баспасөз конференциясында Жетісу ауданының әкімі Ляззат Жылқыбаева жаңа емханалардың ашылуы мен қолданыстағы әлеуметтік қолдау орталықтарының жұмысы туралы айтты, деп хабарлайды aqshamnews.kz
Жыл соңына дейін Нүсіпбеков көшесінде тәулігіне 200 адамға қызмет көрсететін жаңа емхана ашылады. Омаров көшесіндегі тағы бір емхана тәулігіне 300 адамға қызмет көрсетуге мүмкіндік береді.
Сонымен қатар, шілде айында 21-ші қалалық емхананы толық жөндеу жұмысы аяқталмақ.
Ауданда мемлекеттік тапсырыс бойынша 5 әлеуметтік жоба жүзеге асырылып, тұрғындарға әртүрлі қызмет түрлері ұсынылады:
* «Отбасы қолдау орталығы» психологтық, заңгерлік көмек көрсетіп, аналарға аспаздықты, ағылшын тілін, бизнес пен басқа да дағдыларды оқытады. Жыл басынан бері мұнда 360 адам тіркеліп, 1 720 қызмет көрсетілді.
* «Ten Qogam» орталығы мүмкіндігі шектеулі жандарға көмек көрсетеді – мамандардың көмегінен бастап, курстар мен кәсіби бағдарлау қызметтері ұсынылады. Орталық 130 адамға 304 қызмет көрсеткен.
* «Шыңға өрлеу» клубы 137 балаға тіл үйретіп, математиканы, IT –ді оқытқан.
* Айнабұлақ пен Кемелде белсенді ұзақ өмір сүру орталықтары 318 қартқа 4800-ден астам қызмет көрсетіп, йога, айкуне, қолөнер, хореография, компьютерлік сауаттылық, тілдер бойынша курстар мен басқа да қызметтер ұсынды.