Алматы қаласында жаңа Қала құрылысы регламенті бекітіліп, 2040 жылға дейінгі Бас жоспарға сәйкес жұмыстар жүргізілуде.
Бұл ережелер тығыз құрылыстарды азайтуға, тарихи мұраны сақтауға және экологиялық талаптарды орындауға бағытталған.
Әлеуметтік тұрғын үймен қамтамасыз ету маңызды басымдықтардың бірі болып қала береді.
Соңғы үш жылда 7 250 пәтер сатып алуға 167 млрд теңге бөлінсе, 2025 жылы тағы 3 050 пәтер сатып алу үшін 90 млрд теңге қарастырылған. Бұл шаралар әлеуметтік осал топтарды және жас отбасыларды баспанамен қамтамасыз етуді көздейді.