Клуб басшылығының UEFA-ға жолдаған өтінішіне сай, енді "Қайрат" футбол клубы "Астана Аренада" доп тебеді, деп хабарлайды aqshamnews.kz
9 желтоқсандағы "Олимпиакоспен" өтетін кездесу және 20 қаңтарға жоспарланған "Брюгге" клубына қарсы өтетін матчтар еліміздегі ең көп сыйымдылығы бар стадионда өтпек.
Алматыдағы Орталық стадионда қыс мезгілінде ойын өткізу футболшылар мен жанкүйерлердің денсаулығына зиянын тигізеді. Бұл туралы әлеуметтік желілерде сан мәрте жазылды. Оның негізгі себебі, стадионның төбесі ашық.
Шатырдың болмауы және қар мен жаңбырдың жаууы, жалпы алғанда күн райының қолайсыздығы көрермендерге, бәрінен бұрын ойыншыларға кері әсер береді.
Осыған дейін "Қайраттың" Чемпиондар лигасындағы билет бағалары да ашық сыналды. Клубтың ресми хабарламасына сай, енді билеттердің бағасы 15 000-50 000 теңге аралығында сатылуы мүмкін.