Қазақстандық бапкер Вадим Боровский Мәскеудің «Спартак» футбол клубының жаттықтырушылар штабына ресми түрде қосылды, деп хабарлайды Аqshamnews.kz тілшісі.
Маман шетелдік грандтың бапкерлік құрамына шақыртуды көптен күткенін айтып, бұл оны арманымен тоғыстырған сәт екенін жеткізді.
«Сенбі күні мен үшін жаңа кезең басталды – “Спартак” бапкерлер штабы құрамындағы алғашқы күнім. Бұл – көптен бергі арманымның орындалуы», – деді Боровский.
«Спартактың» бас бапкері – 47 жастағы Романов. Sport Schrodingera сайтының хабарлауынша, Боровский мен Романов бұған дейін де «Спартактың» жастар командасында бірге жұмыс істеген.
Вадим Боровский жаттықтырушылық карьерасын «Қайрат» академиясынан бастаған. Ойыншы ретінде ол «Шахтёр», «Жетісу», «Атырау», «Қызылжар» және «Алма-Ата» клубтарының намысын қорғаған.