2024 жылдың 1 маусымына Қазақстанда 5,5 млн автокөлік тіркелген, бұл өткен жылмен салыстырғанда 12,3% көп. Оның ішінде 4,8 млн жеңіл автомобиль (жылдық өсім 12,6%), 540,8 мың жүк көлігі (жылдық өсім 9,8%), және 114,1 мың автобус (жылдық өсім 13,3%) тіркелген, деп хабарлайды aqshamnews.kz.
Өңірлер бойынша ең көп автокөлік Оңтүстік астанада тіркелген: 635,6 мың, жылдық өсім 11,7%. Көшбасшылар қатарында Алматы облысы (592,8 мың), Астана (399,2 мың), Қарағанды облысы (352,1 мың) және Шығыс Қазақстан облысы (332,9 мың) бар.
Ең аз автокөлік Ұлытау, Абай және Жетісу облыстарында тіркелген.
Бұрынғы Оңтүстік Қазақстан облысының нөмірлерімен тіркелген автокөліктер саны 9,4%-ға қысқарып, 157,3 мыңға жетті. Аймақтары анықталмаған нөмірлермен тіркелген автокөліктер саны 13%-ға артып, 294,4 мыңға, ал дипломатиялық нөмірлермен тіркелген автокөліктер саны 10%-ға өсіп, 48,8 мыңға жетті.
Жанармай түрлері бойынша қарастырылған кезеңде ең көп көлік бензинмен жұмыс істеді: 81,9%, немесе 4,5 млн көлік. Аралас отынмен жұмыс істейтін автокөліктер саны 10,3%-ға өсіп, 411,8 мыңға жетті. Дизель отынын пайдаланатын көліктер саны 10,1%-ға өсіп, 390,3 мыңға, газбаллонды көліктер саны 28%-ға артып, 13,4 мыңға жетті, ал электр көліктері 2,9 есеге көбейіп, 10,3 мыңға жетті. Жанармай түрі көрсетілмеген көліктер саны 162,5 мыңға жетіп, өткен жылмен салыстырғанда 35,7%-ға артты.