Қазақстанның халық жазушысы, ақын Қадыр Мырза Әлидің "Алмас жерде қалмас" кітабынан әйел мен еркекке қатысты афоризмдерін оқи отырыңыздар.
***
Әйел өзi ештеңе iстей алмаса да, күйеуiне iстетуге шебер.
***
Кейбiр әйел еркектен президент жасай бiледi,
Ал еркек әрi кеткенде оған үйленiп тынады.
***
Әйелдiң екi-ақ жолы бар:
Не алдау, не алдану.
***
Барлығына бас әйел,
Махаббатқа мас әйел.
Жан беретiн де осы әйел,
Жан алатын да осы әйел.
***
Көрiктi сұлу – көз қуанышы.
***
Күйеулерi сапарда жүрген кейбiр
келiншектер бiрер күнде құлпырып шыға келедi.
***
Әйел жеңе алмайды,
Жеңдiрмейдi де.
***
Ұяты бар әйел – шынында да әдемi әйел.
***
Әйелдiң туы – етегi, Егеспе!
Құлағың түр кеңеске, Егеспе!
***
Орманда адасу – бақыт қой,
Екi әйелдiң арасында адассаң,
Бiреуiнен айырыласың.
***
Әдемiлiк – арудың қаруы.
***
Қыз болмаса – бiз болмаймыз.
***
Күз – жемiс,
Қыз – өнiс.
***
Қыз – әрi базына, әрi қазына.
***
Қонағы – қырық...
Қонағы бар үйдiң құлағы түрiк.
***
Ерсiз әйел – жесiр,
Әйелсiз азамат – кесiр...
***
Әйел – сыңарың, сен үшiн құт,
Әйелсiз еркек жұрт үшiн жұт.
***
Еркектiң жөнi бiр басқа,
Әйелдiң жөнi бiр басқа.
Әйелмен еркек – марқасқа,
Еркексiз әйел – бiр қасқа.
***
Еркектiң зорлағаны –
Әйелдiң ақталуына жақсы.
***
Еркектi құртатын:
«Байқап көрсем қайтедi?»
Әйелдi құртатын:
«Нем кетiп барады?»
***
Әйелдiң жалаңашы еркекке ерсi көрiнбейдi.
***
Ынжық еркек
Әйелдiң жынын келтiредi.
***
Еркектерден көңiлi қалған әйел
Күйеуiмен ажырасып тынады.
***
Кейбiр әйелдiң өзi көрiксiз болғанмен,
Құрбысы келiстi келедi.
***
Әйелдiң қорғанысы шабуылға татиды.
***
Сөзуар әйелмен сөйлескенде
Бұзылған әйелдi сағынасың.
***
Ару алдырмайды,
Сайқал қамшы салдырмайды.
***
Бала кезде анаңның,
Қартайғанда әйелiңнiң қамқорлығында боласың.
***
Келiншегi сұлу жiгiтке шам жағып керегi жоқ.
***
Әдемiлiкке ақыл қосылғанда
Жеңiлмейтiн жiгiт жоқ.
***
Oзi әдемi, өзi ақылды әйел
Кез-келген жiгiттi жетектеп жүре бередi.
***
Әдемiлiк пен ақыл бiр басқа қонбай,
Екеуi екi жаққа кетсе, әйелдiң соры.
***
Кемпiрдi кемпiр демей,
Көп жасаған қыз деу керек.
***
Еркек өз аэродромынан ұшып,
Әйелдiң аэродромына қонады.
Жанармайы таусылып бара жатса,
Басқа жерге де қона салады.
***
Әйелдiң көркi өзiнде,
Бөркi байында.
***
Әйел – самаурын,
Қыз – тасқұман.
Күбi – бас құда.
***
Еркек – әйелдiң күзетшiсi емес, бағбаны.
***
Oз қамы – ел қамы,
Мейiрi қанғаны.
Алғаны – бергенi,
Бергенi – алғаны.
***
Әйелдiң өзiн Күн сезiнуi де,
Күң сезiнуi де күйеуiне байланысты.
***
«Әйелiм бар, не iстеймiн?» деме,
«Әйелiм болмаса, не iстер едiм?» де.
***
Ерлердiң көбi еркек бола алмай жүргенде,
Кейбiр әйелдердiң еркек болғысы келедi.
***
Еркек ұйымдастырады,
Әйел қиюластырады.
***
Әйелдiң өз әлiппесi бар,
Оны кез-келген еркек оқи алмайды.
***
Махаббат деген – тәннiң тартылысы,
Жанның қарпылысы...
***
Еркек сайтан болса,
Әйел қалай перiште болады?!
***
Әйел – Жаратқаның,
Оны қан жылатқаның –
Жаратқанды жерге қаратқаның!
***
Алсаң да мейлi қай елден,
Бақыт та, сор да – әйелден!
***
Жақсы ұрпақ қалдырған отбасы ғана бақытты.
***
Алдымен ойлан, алдымен ойлан!..
Содан кейiн барып
Қыздармен ойна!
***
Қыз – көктем,
Әйел – жаз.
Кемпiр – күз.
Үшеуiмен де өмiрде
Байлаулымыз бiз.
***
Ерлi-зайыпты екеу,
Бiрiнiң қадiрiн бiрi
Ажырасқанда бiледi.
***
Ерлi-зайыптылар бiрiн-бiрi өмiр бойы сүйiп өтулерi керек.
Қалғаны өзiнен-өзi шешiледi.
***
Ер мiнездi әйелден
Қыз мiнездi жiгiт артық.
***
Ерлi-зайыпты екеу сыммен жалғасқан телеграф бағаналары сияқты:
Бiрi құласа, екiншiсiн ала кетедi.
***
Ерсiз әйел – ерсiз арғымақ.
***
Күйеусiз әйел түк бүлдiрмей күнәлi.
***
Ақылды әйел күнәңдi кешiредi,
Ақымақ әйел отыңды өшiредi.
***
Ақылды әйел кiрiсiңе қуанады,
Шығыныңа мәз болады.
***
Екi қатын алғанның күнара рахаты,
Күн сайын азабы бар.
***
Қарып түсер отпысың?
Орып түсер тоқпысың?
Мың есе артық мысыңнан
Табиғи тән, ет мүсiн.
***
Әйел әйел бола түскен сайын сүйкiмдi,
Екiқабат әйел екi есе қымбат.
***
Еркек тойымсыз торпақ,
Әйел – шұрайлы топырақ.
***
Еркекке – серкелiк,
Әйелге – еркелiк жарасады.
***
Әйелдiң тағдыры еркектiң қолында,
Азамат бәрiн де iстейдi әйелдiң жолында.
***
Бақыттың үлкенi – Сүйгенiңе шығу.
***
Ер-азамат өз қанатымен ұшады,
Әйелдiң дөңгелегiмен қонады.
***
Ақырын сөйле, келiн,
Махаббатты шошытып аларсың!
***
Еркектiң атып құлата алмағанын
Әйел жатып құлатады.
***
Қылымсыған әйел қылмысқа дайын.
Әйелдiң күлгенiнен күлiмсiрегенi әдемi.
***
Ердiң мақсатын –
Қыздың бiр сәтi шешедi.
***
Әйелге еркек табу оңай,
Ер табу қиын.
***
Сұлудың сымбаты сыртында, сыры iшiнде.
***
Әйелдер болмысынан астроном:
Олар жердiң қызығы мен көктiң қызығын қатар көрiп жатады.
***
Махаббатсыз жылу жоқ,
Байсыз қалған сұлу жоқ.
***
Ұлылардың сөзi арқылы,
Сұлулардың көзi арқылы «уланасың».