Армения премьер-министрі Никол Пашинянмен бірлескен БАҚ өкілдеріне арналған брифингте Қазақстан Президенті Қасым-Жомарт Тоқаев АҚШ президенті Дональд Трамптың Украинадағы жағдайды реттеуге бағытталған күш-жігерін қолдайтынын мәлімдеді, - деп хабарлайды Аqshamnews.kz тілшісі.
Мемлекет басшысының айтуынша, тараптар өңірлік және халықаралық күн тәртібіндегі өзекті мәселелер бойынша пікір алмасып, көптеген сұрақта ұстанымдарының ұқсас екенін атап өткен.
«Қазіргі күрделі геосаяси жағдайда мен АҚШ президенті Дональд Трамптың Украинадағы ахуалды реттеуге бағытталған әрекеттерін және оның ұсынған жоспарын қолдаймын. Қазақстан Армения мен Әзербайжанның бейбіт келісімге келуге деген ортақ ұмтылысын толық құптайды», – деді Қасым-Жомарт Тоқаев.