Енді шекара сызығы Каспий теңізіндегі су деңгейінің төмендегенде өзгермейді.
Мемлекет басшысы «ҚР мен Түрікменстан арасындағы Каспий теңізіндегі Қазақстан-Түрікменстан мемлекеттік шекарасын межелеу және балық аулау аймақтарының шектес учаскелерін бөлу туралы шартты ратификациялау туралы» Қазақстан Республикасының Заңына қол қойды, деп хабарлайды Almaty-akshamy.kz Ақордаға сілтеме жасап.
Енді екі ел арасындағы шекара сызығы Каспий теңізіндегі су деңгейінің ықтимал төмендеуімен өзгермейді. Демаркация сызықтары қазіргі халықаралық теңіз құқығында қарама-қарсы немесе іргелес жағалаулары бар мемлекеттер арасындағы теңіз кеңістігін делимитациялау үшін қолданылатын жалпы танылған әдістеме болып табылатын медианалық сызық принципіне негізделген.
Келісім Қазақстан мен Түркіменстан арасындағы аумақтық суларды шектейтін Каспий теңізі бойынша мемлекеттік шекара сызығын және балық аулау аймақтарының іргелес учаскелерін демаркациялау сызығын өткізуді көздейді.
Бұған дейін вице-премьер әрі сыртқы істер министрі Мұхтар Тілеуберді келісімнің қабылдануы Түркіменстанмен даулардың ықтимал алғышарттарын жояды деп мәлімдеген.
Келісімге 2021 жылдың 25 қазанында Ашхабадта қол қойылған.
Келісім Қазақстанның теңіздің оңтүстік жағалауындағы мемлекеттік шекарасын делимитациялау процесін аяқтайды және жағалаудағы мемлекеттер арасындағы Каспий теңізіндегі мемлекеттік шекараларды заңды түрде бекіткен тарихтағы алғашқы құжат болды.