АҚШ-тың жаңадан сайланған президенті қатігездікпен кісі өлтірушілер мен жыныстық зорлық жасағандар үшін өлім жазасын енгізуді көздейтінін мәлімдеді, деп хабарлайды aqshamnews.kz
«Инаугурациям өткен бойда, мен Әділет министрлігіне американдық отбасыларды кісі өлтірушілер мен құбыжықтардан қорғау үшін өлім жазасын қатаң түрде талап ету туралы нұсқау беремін», — деп жазды саясаткер өз әлеуметтік желісі Truth Social-да.
Оның пікірінше, мұндай қатаң шаралар АҚШ-ты қайтадан «заң мен тәртіп еліне» айналдырады.
Бұған дейін қазіргі президент Джо Байден 37 сотталушыға кесілген өлім жазасын жеңілдетіп, оны шартты түрде мерзімінен бұрын босату құқығынсыз өмір бойы бас бостандығынан айыру жазасына ауыстырған еді. Трамп бұл шешімді қисынсыз деп санап, оның құрбандардың отбасыларына моральдық зиян тигізетінін айтты.
Байден федералды деңгейде өлім жазасын қолдануға қарсы болған. Дегенмен, қазіргі уақытта АҚШ-тың 27 штатында мұндай жазаға рұқсат етілген.