Yonhap News агенттігінің хабарлауынша, Оңтүстік Корея президентінің аппаратының бірнеше лауазымды тұлғасы отставкаға кеткен.
Олардың қатарында штаб басшысы Чон Джин Сок, ұлттық қауіпсіздік жөніндегі кеңесші Син Вон Сик, саяси штабтың жетекшісі Сон Тэ Юн және тағы жеті жоғары лауазымды көмекші бар, деп хабарлайды aqshamnews.kz
Бұл отставка президент Юн Сок Ельдің парламентті "мемлекетке қарсы әрекеттері үшін" айыптап, төтенше әскери жағдай енгізу туралы шешімінен кейін орын алды. Мұндай шешімге оппозицияның қысқартылған бюджетті қолдауы және импичмент жариялау бастамасы себеп болған.
Алайда, Ұлттық ассамблея әскери жағдай енгізу ұсынысын қабылдамады.