Премьер-министр поездардың кешігуі мәселесі бойынша тұрғындардың өтініштеріне ҚТЖ басшылығының назарын аударды, деп хабарлайды aqshamnews.kz
Үкімет отырысында Премьер-министр Олжас Бектенов жолаушылар пойыздарының кешігуі туралы мәселені көтерді. Азаматтардың теміржол көлігінің уақтылы келмегені туралы өтініштері көбейгені байқалып отыр.
«Қазақстан темір жолы» ҰК» АҚ басқарма төрағасы Нұрлан Сауранбаев жағдайдың ерекше бақылауда екенін және кешігулердің теміржолдардың ағымдағы жөндеу жұмыстарына байланысты екенін атап өтті.
«Бұл жағдай жолдарды жөндеумен және жолаушылардың қауіпсіздігімен байланысты. Соңғы 2 жылда жөндеу жұмыстарының көлемін 2-3 есеге арттырдық. Жолаушылар алдындағы қолайсыздықтар үшін кешірім сұраймыз», — деп түсіндірді Нұрлан Сауранбаев.
Сондай-ақ, Нұрлан Сауранбаев компанияның атқарып жатқан жұмыстары туралы баяндап, тауаралар мен қызметтердегі қазақстандық қамтудың 85%-ды құрайтынын, ал контейнерлік транзиттік тасымалдың тұрақты өсуін атап өтті. Соңғы 3 жылда жүк тасымалының көлемі 30%-ға артты.