Қазір Қазпошта 20 мың адамды жұмыспен қамтамасыз етіп отыр.
Қазпошта басшысы Әсел Жанасова пошташылардың жалақысына қатысты түсініктеме берді, деп хабарлайды aqshamnews.kz
“Иә, шыны керек, бізде ауылдық жерде операторлар мен пошташылар аз жалақы алады. Неге десеңіз, себебі сәлемдемелер, хаттар мен газеттер аз келеді. Сондықтан мамандарымыз 0,2-0,7 ставкамен жұмыс істейді. Біз екі жылда жалақыны 25 процентке көтердік, биыл тағы 15 процентке арттырдық. Бұдан бөлек, жылына үш рет барлық қызметкерге сыйақы беріледі. Табысымыз артса, біз алдымен жалақыны көтереміз”,-деді Жанасова бүгін мәжілістің жалпы отырысында.
Оның айтуынша, бүгінде пошта бөлімшелерін ашуға да біраз ақша керек. Сол себепті бөлімшелер әкімдік ғимараттарында және дүкендерде ашылып отыр. Соның арқасында ауылдарда пошта қызметі тоқтаған жоқ. Қазіргі кезде жылжымалы пошта бөлімшелері де бар.
“Мысалы, ауылдағы пошта бөлімшелерінің бәрін жөндеп шығу үшін 14 млрд теңге қажет. Екі жылда 2 млрд теңге бөлдік. Осы ақшаға 244 бөлімше жөнделді”, - деп атап көрсетті Жанасова.