Францияда аз қашықтыққа ұшатын әуе рейстеріне тыйым салу туралы шешім күшіне енді.
Ондағы мақсат - ауаға зиянды қалдықтардың бөлінуін азайту, деп хабарлайды Almaty-akshamy.kz.
Пойызбен 2,5 сағатта жетуге болатын қалалар арасында бұдан былай ұшақ қатынамайды. Мәселен, Париж, Нант, Бордо және Лион арасындағы әуе рейстері тоқтады. Франция Парламенті жақын орналасқан қалалар арасында әуе тасымалын тоқтату туралы шешімді пандемия кезінде қабылдаған еді.