Мюнхен техникалық университетінің (Германия) ғалымдары Amaropostia stiptica саңырауқұлағынан бұрын белгісіз болып келген үш ащы қосылысты тапты.
Міне, солардың бірі планетадағы ең ащы зат болуы мүмкін, деп хабарлайды aqshamnews.kz.
Бұл жайында islam.kz порталы Journal of Agricultural and Food Chemistry (JAFC) мерзімді басылымына сілтеме жасай отырып мәлім етеді, деп хабарлайды aqshamnews.kz.
Ащы дәм әдетте тағамның қауіптілігінен хабар беретін қорғаушы тетік ретінде саналатын. Алайда, жаңа саңырауқұлақ өте ашшылығына қарамастан улы емес, яғни, зиянсыз болып шықты. Неміс ғалымдары олигопорин D. деп аталатын затты бөліп шығарды. Оның ашшылығы соншалықты – бір түйірінің өзі 2,5 млн литр су сиятын олимпиадиялық хауыз суды ащы етеді. Ғалымдар бұл бағытта дәм жасушаларында бөлінген қоспаларды сынап көрді және олардың әрқайсысы кемінде адамның 25 ашшы рецепторлардың біреуін белсендіретінін анықтады.
Әсіресе, ащы заттарды тануға жауап беретін TAS2R46 рецепторының белсенділігі күрт артқан. Осы күнге дейін ғалымдар негізінен өсімдіктер мен синтетикалық заттардың ашшылығын зерттеп келген еді, ал саңырауқұлақтар, бактериялар мен жануарлар назардан тыс қалған болатын. Жаңа дерек 500 млн жыл бұрын - гүлді өсімдіктерден бұрын пайда болған дәмдік рецепторлардың эволюциясын түсінуге көмектеседі.