Елімізде 28 қаңтардан бастап пияз экспорттауға үш айға тыйым салынған.
Бірақ Сауда және интеграция министрінің айтуынша, Қазақстан бұл тыйымды әзірге алып тастамайды, деп хабарлайды Almaty-akshamy.kz
"Біз бұл мәселені әзірге қарастырып жатқан жоқпыз. Сауда комитетінің мәліметінше, жиналған деректер елде орта есеппен 68 мың тонна пияз барын көрсетті. Бізге наурыз-сәуір айларына 40 мың тонна пияз қажет", - деді Жұманғарин.
Егер бұл мәліметтер расталса, сауда комитетінің өкілдері фермерлермен ішкі нарықтағы баға туралы сөйлеседі.
"Сол кезде квоталау мүмкіндігін қарастырамыз. Ертең сыртқы сауда қызметі бойынша ведомствоаралық комиссиясының отырысын өткізу жоспарланып отыр", - деді министр.
Еске салса кетсек, қазақстандық шаруалар қоймалардағы пияз шіріп жатқанына шағымданып, тыйымды алып тастауды сұрады.