Осыған орай кеше сағат 22.00-де көліктің барлық түрлеріне бұл учаскеден өтуге шектеу қойылды.
Қазір бұл жерде мамандар тәулік бойы кезекшілік етіп жатыр, деп хабарлайды aqshamnews.kz.
Жеңіл көліктер қала ішімен өтіп, жолын жалғастыра алады. Ал жүк көліктері «Петерфельд-Архангелька-Новокаменка» жолы арқылы айналып өте алады.
Солтүстік Қазақстан облысында су тасқынының екінші толқыны басталды. Есіл және өңірдегі шағын өзендерде су деңгейі көтеріліп жатыр.
«Қазгидромет» РМК СҚО филиалының мәліметінше, өткен тәулікте Тоқсан би ауылының маңында Есіл өзені 171 см-ге көтерілді. Қауіпті деңгейге жету үшін әлі 1 мың см қажет. Крещенка ауылының маңында – 56, Сергеевка қаласының жанында 45 см көтерілген.
Сергеев су қоймасы бөгетінің жотасынан асып-төгілу 104 см-ге жетті. Қазір ол 118% толған. Петропавл су қоймасының да су деңгейі көтеріліп келеді. Бір тәулікте 10 см-ге өзгерді.
Бұған дейін Петропавл маңындағы саяжай қоғамдастықтарынан тұрғындардың көшіріліп жатқанын жазған едік.