Түрксіб ауданы бойынша «Функционалды сауаттылық» құзыреттілік орталығы «№59 мектеп-гимназиясы» жұмыс жоспарына сәйкес кезекті шарасын TED конференция форматын өткізді.
Жалпы шара Мемлекет басшысының 2024 жылдың 2 ақпандағы «Баршаға қолжетімді сапалы білім» ұлттық баяндамасын жүзеге асыру аясында Алматы қаласының 2024-2025 жылдарға арналған жол картасына сәйкес «Құзыреттілік орталықтары» жобасының негізінде ұйымдастырылды.
Түрксіб ауданының білім беру ұйымдарындағы жаратылыстану-математикалық бағыттағы пән мұғалімдеріне арналған «Проблемаға негізделген оқыту технологиясы арқылы оқушылардың функционалды сауаттылығын дамыту» тақырыбында конференцияның мақсаты: білім алушылардың функционалды сауаттылығын арттыру барысында оқу үдерісінде тәжірибеге бағытталған тапсырмаларды әзірлеу және қолдану бойынша әдістемелік қолдау көрсету, тәжірибе алмасу.
Конференцияға аудан мектептерінен 24 педагог қатысты. Семинар барысында «Функционалдық сауаттылық – жалпы оқытудың нәтижесі», «Проблемаға негізделген оқыту», «Халықаралық тәжірибелердегі жобалық оқыту» тақырыбында баяндамалар тыңдалды.
Конференцияның екінші бөлімі педагогтердің шығармашылығын шыңдаған бірлескен практикалық жұмыс түрінде жалғасты. Қатысушылар семинар қорытындысы бойынша пікір алысып, келесі шараларға ұсыныстар мен тілектерін, тәжірибе таратуда назарға алатын бағыттарымен бөлісті.