Мемлекет басшысының тапсырмасын орындау үшін педагогтерді аттестаттаудан өткізу рәсімін жетілдіру жөнінде іс-шаралар қабылданатын болады.
Бұл жайында Мәжіліс депутаттарының сауалына Үкімет басшысы Әлихан Смайыловтың жауабында айтылған. Премьер-Министр осы мақсатта педагогикалық қоғам өкілдері мен сарапшылар қатарынан жұмыс тобы құрылғанын атып өтті.
Оның айтуынша, жұмыс нәтижелері бойынша нормативтік-құқықтық актілерге тиісті өзгерістер енгізілетін болады.
«Бұл ретте, аттестаттау процесінің шынайылығын, ашықтығын қамтамасыз ету үшін педагогтердің портфолиосын қарау әртүрлі ақпараттық жүйелерден деректер автоматты түрде қалыптастырылатын бірыңғай электрондық платформада жүзеге асырылатын болады. Аттестаттаудың әрбір келесі кезеңіне жіберу де автоматты түрде жүзеге асырылатын», - деді Әлихан Смайылов.