Барлық учаскелік полиция инспекторлары қызметтік аккаунт ашады
ККО-ның кезекті отырысының күн тәртібіне шығарылған жалғыз мәселе – учаскелік пункттері мен стационарлық посттардың жұмысын ұйымдастыру, деп хабарлайды Almaty-akshamy.kz.
«Елбасының тапсырмасын орындау үшін Әкімдікпен бірлесіп, учаскелік полиция инспекторларының қызметін жетілдірудің үш жылдық жоспарын жасадық. Олар өздері қызмет көрсететін әкімшілік аумақта тұратын болады – бұл бірінші кезекте тұрғындар үшін қолайлы және, әрине, полиция қызметкерінің жұмысының тиімділігіне оң әсер етеді. ІІО жүйесінде учаскелік полиция инспекторлары көп функционалды полиция қызметін көрсетеді. Олар құқық бұзушылықтар мен қылмыстардың алдын алуда, тұрғын үй аудандары мен елді мекендерде қоғамдық тәртіп пен қауіпсіздікті қамтамасыз етуде басты тұлға болып табылады. Олардың қызметі халықпен тікелей байланыста жүзеге асырылады. Олар өз міндеттерін орындай отырып, ішкі істер органдары туралы қоғамдық пікірдің қалыптасуына айтарлықтай әсер етеді, сонымен қатар, азаматтардың полицияға сенім деңгейі олардың жұмысының сапасы мен тиімділігіне тікелей байланысты», - Алматы қаласы ПД-нің басшысы Қанат Таймерденов.
Осыған орай, спикердің айтуынша, учаскелік полиция инспекторларының тұрғындармен күнделікті байланысына қол жеткізу шаралары жүргізілуде. Мұндай талаптар, әсіресе, учаскелік полиция инспекторларының халық алдындағы есептері заңнамалық деңгейде бекітілген жағдайда өзекті болып табылады.
«Сондай-ақ, учаскелік полиция инспекторларының ақпараттық-коммуникациялық алаңдар арқылы халықпен өзара әрекеттесу тәжірибесі жалғасуда. Бүгінде әлеуметтік желіде 170 учаскелік полиция қызметкері бар. Олардың әрқайсысында орта есеппен 4 мың жазылушы бар. Сонымен қатар, УПИ жалпы үй чаттарына қосылған, олар ПИК және ОСИ-мен тығыз әрекеттеседі. Қазіргі уақытта ПД басшылығының нұсқауымен барлық учаскелік полиция инспекторларына қызметтік аккаунттар ашу жұмыстары жүргізілуде», - деді, Алматы қалалық ПД Жергілікті полиция қызметі Басқармасы бастығының орынбасары, полиция подполковнигі Диас Дуанбеков.