Павлодар облысында көлік түгі қалмай өртеніп кеткен, - деп хабарлайды aqshamnews.kz тілшісі.
18 қарашада Пограничник ауылының маңындағы Астана-Павлодар тасжолында жол апатының салдарынан Chevrolet Cobalt маркалы жеңіл автокөлік өртенді.
101 операторының пультіне сағат 12:09-да хабарлама түсіп, Ақсу қаласы ТЖБ 10-ӨСБ өртсөндірушілері дереу шақырту орнына жіберілді. Оқиға орнына келген өртсөндірушілер отты жедел сөндіріп, оның одан әрі таралуына және жарылуына жол бермеді.
Оқиға орнынан Қалқаман кентінің трассалық медициналық-құтқару пунктінің бригадасы 1981 жылы туған жүргізуші мен зардап шеккен 1994 жылғы туған жолаушыға алғашқы көмек көрсетіп, Павлодар ауруханасына жеткізілді.
Павлодар облысының ТЖД азаматтарға жол қозғалысы ережелері мен өрт қауіпсіздігі шараларын қатаң сақтауды еске салады.