Бір жылда пәтерді жалға беру 17% қымбаттаса, сату бағасы керісінше түсті. Тұрғын үй нарығында бір жылда жаңа тұрғын үйлер бағасы 4,4% өсті, ал пәтерлерді қайта сату бағасы 2,9% төмендеді.
Абаттандырылған тұрғын үйді жалға алу төлемі өткен жылғы тиісті аймен салыстырғанда тамызда 17% артты, деп хабарлайды аlmaty-akshamy.kz ұлттық статбюроға сілтеме жасап.
Өңірлер бөлінісінде жаңа үйлер нарығында баға жылдық мәнде Ақтауда – 18%, Семейде – 16%, Павлодарда - 15,5% қымбаттады.
Қолданыстағы пәтерлер нарығында баға өсімінің көш басында Семей (25,3%), Ақтөбе (22,5%), Қызылорда (15,5%) қалалары, тұрғын үйді жалға беру нарығында – Көкшетау (37,9%), Қонаев (36,1%), Ақтөбе (34,7%) қалалары тұр.
|
Тұрғын үй нарығындағы баға өзгерісі пайызбен, өсуі+, төмендеуі-
|
Бір айдың ішінде (2023 жылғы тамыз 2023 жылғы шілдеге қарағанда) жаңа тұрғын үй бағасы өзгеріссіз қалды, пәтерлерді қайта сату 1,8% төмендеді.
Абаттандырылған тұрғын үйді жалға алу төлемі шілдемен салыстырғанда тамызда 2,3% өсті.