ОСК жеребе тарту рәсімін өткізді.
Орталық сайлау комиссиясы партиялардың атаулары сайлау бюллетенінде қандай тәртіппен орналасатынын анықтау мақсатында жеребе тарту рәсімін өткізді, деп хабарлайды Аlmaty-akshamy.kz
Жеребеге тіркелген 7 партияның өкілдері қатысты. Олар ортаға шығып, ішіне 1-ден 7-ге дейін сандар жазылған конверттерді алды. Тиісінше, жабық конверттегі нөмірлер партияның бюллетенінде нешінші болып орналасатынын айғақтайтын болады.
«Жеребе қорытындысына сай, 19 наурызға тағайындалған партиялық тізімдер бойынша Парламент Мәжілісі мен мәслихаттарға кезектен тыс сайлауда дауыс беруді өткізу кезеңінде саяси партиялардың атаулары сайлау бюллетенінде келесі тәртіппен орналасады: Amanat партиясы - бірінші орында, «Ауыл» халықтық-демократиялық партиясы - екінші орында, «Respublica» партиясы – үшінші орында, Қазақстан халық партиясы – төртінші орында, «Байтақ» жасылдар партиясы – бесінші орында, «Ақ жол» партиясы – алтыншы орында, Жалпыұлттық социал-демократиялық партиясы – жетінші орында. Жеребені өткізу тәртіптері хаттамамен бекітіледі», - деді ОСК мүшесі Сәбила Мұстафина.