Франция астанасы Париж қаласында өтіп жатқан Олимпиада ойындарында еркін күрестен Әлішер Ерғали бүгін жұбаныш белдесуінде сынға түсті.
Еркін күрестен 97 келі салмақта ел намысын қорғап жүрген отандасымыз жұбаныш белдесуінде ирандық Әли Әмір Азарпирамен белдесіп, қарсыласынан 6:1 есебімен ұтылып қалды, деп хабарлайды aqshamnews.kz
Естеріңізге сала кетейік, кеше Әлішер Ерғали ширек финалдық белдесуде әлем чемпионы, Ханчжоудағы Азия ойындарының жеңімпазы Бахрейн балуаны Ахмед Тажудиновтан 14:2 есебімен ұтылып қалған болатын.
Айта кетсек, еркін күрестен Париж Олимпиадасына төрт балуанымыз лицензия жеңіп алған болатын.
Олар — Азамат Дәулетбеков, Юсуп Батырмурзаев, Мейрамбек Қартбай және Әлішер Ерғали.
Өкінішке қарай барлығы ел үмітін ақтай алған жоқ.