"Қайрат" ойыншысы Еркін Тапалов алдағы "Пафосқа" қарсы матчте жанкүйерлердің қолдауы команда үшін ерекше маңызды екенін айтты", - деп хабарлайды aqshamnews.kz тілішсі.
Футболшының сөзінше, трибунадағы көрермен саны емес, олардың шынайы қолдауы маңызды.
"Жанкүйерлердің аздығы бізге әсер етпейді. Жеңіс үшін бәрін істейміз, барынша тырысамыз. Ертең шынайы жанкүйерлер болады деп күтеміз", - деді Еркін Тапалов баспасөз мәслихатында.
Ал "Қайрат" футбол клубының бапкері Рафаэль Оразбахтин бағаға тек басшылық жауап беретінін айтты.
Еске салайық, "Қайрат" Чемпиондар лигасы аясындағы екінші матчін өз алаңында өткізеді. Бұған дейін алматылық клуб әйгілі "Реал Мадридпен" кездесіп, тәжірибе жинаған. Енді команда кипрлік "Пафоспен" кездесіп, өз жанкүйерлерін қуантуды мақсат етеді.