Алматы технология және флористика колледжінде «Халықаралық тағылымдама қорытындысы бойынша жобаларды іске асыру» тақырыбында қалалық семинар өтіп, онда халықаралық тағылымдама нәтижелері бойынша Италия, Голландия, Германия және Қытай елдерінің білім беру құрылымының ерекшеліктерін оқу үдерісіне енгізу бойынша оқытушылардың тәжірибесін көрсету мәселесі кеңінен сөз болды.
Семинар барысында төрт негізгі бағыт бойынша халықаралық тағылымдаманың қорытындылары мен нәтижелері қамтылған жобалар ұсынылды. Сондай-ақ, «Есептеу техникасы және ақпараттық желілер» бағыты бойынша «Графикалық дизайн", «Компьютерлік графика» пәні бойынша практикалық жұмыстар мен факультативтік сабақтарда қолданатын «Компьютерлік графика бойынша зертханалық жұмыстар» әдістемелік құралы туралы жоба талқыланды. 
Қазіргі сұранысы артып тұрған «Корсет өңдеу және тігу» туралы «Тігін өндірісі және киімдерді үлгілеу» бағытындағы жоба ұсынылып, корсет өңдеу бойынша әдістемелік ұсынымдар колледж студенттеріне көмек ретінде әзірленді. «Автомобиль көлігіне техникалық қызмет көрсету, жөндеу» бағыты бойынша «Зертханалық-тәжірибелік сабақтарды өндіріс орындарында өткізу» жобасын жүзеге асыру үшін «СВС BOSCH SERVICE» ЖШС базасында зертханалық-тәжірибелік сабақтарын өткізу үшін ынтымақтастық Меморандумы құрылды. «Бақша саябақ шаруашылығы» бағыты бойынша «Экологиялық табиғи материалдарды пайдалану» тақырыбында жоба ұсынылды. Ерекше білім беру қажеттіліктері бар студенттерге арналған факультативтік сабақтар жоспарын әзірледі.