Әлеуметтік желілерде байлыққа батқан өмірін көрсетіп контент жасайтындарға тыйым болуы мүмкін, – деп хабарлайды aqshamnews.kz тілшісі.
Қазақстанда байлықты ашық көрсетуге шектеу енгізу ұсынылды. Мәжілісте әлеуметтік желілерде сән-салтанатты өмір салтын насихаттауға шектеу қою бастамасы қолдау тапты. Депутат Дәулет Мұқаевтың айтуынша, қымбат көлік, брендтік киім, қымбат демалыс пен сыйлықтарды жиі көрсету қоғамда әлеуметтік теңсіздік сезімін күшейтеді.
Оның пікірінше, кейбір блогерлер пайдалы ақпарат пен білімнің орнына тек тұтынушылық өмір салтын насихаттап, «кім не жеді, не сатып алды» деген мазмұнды жиі жариялайды. Бұл контенттің бір бөлігі аудиторияға кері әсер етуі мүмкін.
Блогер депутаттың айтуынша, мұндай контент адам психологиясына кері әсер етеді.
Бұдан бұрын Қытайда дәл осындай байлық көрсету контентіне тұсау салынған болатын.