Қаржылық монитринг агенттігінің Маңғыстау облысы бойынша департаменті "ӨзенМұнайГаз" АҚ басшылығына қатысты тергеуді аяқтап, қылмыстық істі сотқа жіберді, деп хабарлайды аlmaty-akshamy.kz.
Қаржылық мониторинг агенттігінің баспасөз қызметінің мәліметіне сүйенсек, "ӨзенМұнайГаз" АҚ бас директорының орынбасары Бауыржан Мамбетсапаев қызметтік өкілеттіктерін асыра пайдаланды деген күдікке ілінді. Тергеу нұсқасы бойынша, ол іс жүзінде жұмыс істемейтін және негізсіз жалақы алған таныстарын жалған жұмысқа тартқан.
"ӨзенМұнайГаз" АҚ бас директорының тағы бір бұрынғы орынбасары Е.Карамурзаевқа ұңғымаларды жерасты жөндеу бойынша заңсыз тендер өткізу арқылы сатып алуға қатысқан басқа қатысушылардың мүдделеріне нұқсан келтіріп, жекелеген компаниялардың мүдделерін қорғады деген айып тағылды. Келтірілген шығын көлемі – 623 млн теңге.
"Сонымен қатар алдын ала сөз байласу арқылы сеніп тапсырылған 294 млн теңгені жымқырып, талан-таражға салған "ӨзенМұнайГаз" АҚ мұнай-газ өндіру басқармасы директоры мен жеткізушіге айып тағылды".