Алматыда жүргізілген орталықсыздандырудың аясында Алатау ауданының бюджеті 3,7 есе ұлғайып, штат саны 20 адамға көбейді. Мұндай елеулі қолдау аудан әкіміне ең өзекті проблемаларды сапалы әрі жедел шешуге мүмкіндік береді, деп хабарлайды Аlmaty-akshamy.kz.
Алматы Индустриялық аймағын дамыту және бизнесті қолдау үшін қабылданған шаралардың арқасында жалпы аудан экономикасы оң динамиканы көрсетіп, қаланың экономикалық көрсеткіштерінің жақсаруына елеулі үлес қосуда. 2023 жылдың І тоқсанында өнеркәсіптік өндіріс көлемі 32,8%-ке, инвестициялар 73,2%-ке өсті.
Биылдан бастап жолды ағымдағы жөндеу жұмыстарын аудан әкімдіктері жүргізетін болады. Алатау ауданының барлық шағынаудандары бойынша 60 көшеде 23 мың шаршы метр жолды жөндеу жоспарланған. Биыл жөндеу жұмыстарын жүргізуге 250 млн. теңге бөлінді. Жұмыстарды қараша айында аяқтау көзделіп отыр.
Сонымен қатар Қалалық мобилділік басқармасы мамыр айында 12 шағынауданда ұзындығы 60 шақырым болатын 79 көшені қамтитын орташа жөндеуді жүргізіледі.