Кассадан 6 млн теңгені қолды қылған.
Түркістан облысында өз жұмыс орнына ұрлыққа түскен күдікті үш жылға сотталды, деп хабарлайды Almaty-akshamy.kz.
Оқиға тамыз айында Жетісай ауданында орын алған. Өз жұмыс орнына ұрлыққа түскен жігіт, кассадан 6 млн теңгені қолды қылған.
Полицейлердің тергеу әрекеттері барысында күдіктінің бұрын сол жерде жүк тасушы болып жұмыс істегені анықталды. Ол сол күні қойма ішіне кіріп, 5 сағаттай жұмысшылардың үйіне қайтқанын күтіп отырған. Іште ешкімнің қалмағанына көз жеткізгеннен соң, сусындар қоймасының терезесінен кассаға өтіп, 6 млн теңгені сөмкесіне салып алып кеткен.
«Аталған іс бойынша жан-жақты тексеру шараларын атқарып, дәлелдемелерді жинақтаған полицейлер іс құжаттарын айыптау актісімен бірге сотқа жолдады. Нәтижесінде сот үкімімен 23 жастағы күдікті ҚР КҚ-нің 188-бабы 3-бөлігімен кінәлі деп танылып, оған қатысты 3 жыл 3 ай мерзімге бас бостандығынан шектеу жазасы тағайындалды», - делінген Түркістан облысы полиция департаменті таратқан ақпаратта.